Hong Kong AID

港援 (Hong Kong Aid) 係一個設於英國嘅團體,旨在支援被中共極權所逼害,以致離開香港並須尋求政治庇護嘅戰友。我哋正籌備向尋求庇護者提供準確、具政府認可嘅意見以及適切嘅轉介;亦會組織不同嘅行動,以捍衛受中共極權所打壓嘅香港人權狀況。

我們主要由尋求政治庇護者同獲授予庇護嘅香港難民所組成,堅持以香港民族作為共同嘅身份認同,與香港人同行,令香港族群能夠有尊嚴噉重建新生活,並建立在外支援香港本土之離岸勢力。

【我哋呢班港援仔】

【我哋呢班港援仔】 港援,係由一班被中共極權所逼害,導致要離開家園嘅戰友所組成。 我哋每一個,都係匆匆忙忙噉離開。莫講話臨走前見親朋戚友最後一面,就連開口同佢地講聲再見嘅勇氣都冇。因為喺港共極權嘅清算下,我哋會擔心走漏風聲,牽連依然堅守家園嘅人,徒增香港冤獄冊嘅數字。 我哋每一個,要面對嘅都十分之沉重。隻身嚟到陌生嘅國度,「孤單」同「無助」已經唔足夠去形容我哋境況。因為我哋要面對嘅唔單止係情緒、經濟、社會等嘅壓力,迎面而嚟嘅仲有既繁複而又漫長嘅政治庇護審批過程。 但係,我哋每一個,依然記得有人曾經講過:「黎明之前嘅黑暗係至撚黑暗嘅,但係黎明即將會來臨。」所以我哋我哋成立嘅初衷係希望可以喺呢段黑暗嘅時期,為在英流散嘅戰友點點燈,共渡政治庇護呢個難關。 我哋作為離散海外嘅香港人,可以做到嘅嘢仲有好多。一齊團結起嚟撕破中共呢塊腐敗體制嘅遮醜布,將香港獨立嘅理念推上國際政治舞臺同中共全面攬炒,再次用香港人嘅智慧與勇氣震撼整個自由世界,令國際社會對中共嘅極權擴張加以防範。 我哋亦都希望能夠匯聚各路英雄力量,一同抗擊暴政,捍衛民族尊嚴。喺重光之前,呢場時代革命都唔會有完結嘅一日。香港人仲未奪回呢塊失去咗嘅土地;我哋仲有一班顛沛流離嘅戰友,仍然需要大家申岀援手。 所以,我哋港援 (H o...

Read More